ފީފާ ވޯލްޑްކަޕްގައި އޮސްޓްރޭލިއާ އާއި ދެކޮޅަށް ކުޅެ 1-1 އިން އެއްވަރުވުމުން، ޕެނަލްޓީ ޖަހައިގެން ފިރުއައުނުންގެ ނަމުން މަޝްހޫރު މިސްރުން އުދުހިލައިފިއެވެ.
މިސްރަށް ނައިޓްމެއާ އަކަށް ވީ ކީއްވެ؟
މެޗުގައި ފުރަތަމަ ލީޑް ނެގީ މިސްރެވެ. ނަމަވެސް ފަހުހާފުގައި މިސްރުން ވަނީ ބައިކޮޅަށް ގޯލެއް ޖަހާފައެވެ. އެއީ ޑިފެންޑަރު ހާނީއެވެ. އޭނާ ވަނީ ވޯލްޑް ކަޕް ތާރީހުގައި އެއް މުބާރާތެއްގައި ބައިކޮޅަށް ދެ ގޯލު ޖެހި ތާރީހީ ދެވަނަ ކުޅުންތެރިޔާގެ ”ލަދު ރެކޯޑް” ހޯދާފައެވެ.
ވޯލްޑް ކަޕްގެ އެއް މުބާރާތެއްގައި ބައިކޮޅަށް ދެ ގޯލު ޖެހުމުގެ މި ރެކޯޑް މީގެކުރިން އޮތީ ހަމައެކަނި ބަލްގޭރިއާގެ ޑިފެންޑަރު އިވާން ވުޓްސޮވް އަތުގައެވެ. އެއި މީގެ 60 އަހަރު ކުރިންނެވެ.
