ހިތަދޫ އުތުރު ދާއިރާގެ ނަތީޖާ އަކީ ސަރުކާރު ނިމިގެންދާނެ ގޮތުގެ ދެލިކޮޕީ ކަމަށް ކުރީގެ ހޯމް މިނިސްޓަރު ޢިމްރާން (ޝޭހު އިމްރާން) ވިދާޅުވެއްޖެއެވެ.
އެމްޑީޕީގެ ކެނޑިޑޭޓް (ސޯބެ) ހޯދި މޮޅާއި ގުޅިގެން ޝޭހު ވިދާޅުވީ ސަރުކާރުގެ ވެރިންނަށް މިހާރު ކަންކަން މޭރުން ވާނެ ކަމަށެވެ.
އިއްޔެގެ އިންތިހާބު އިދިކޮޅު މޯލްޑިވިއަން ޑިމޮކްރެޓިކް ޕާޓީގެ ކެންޑިޑޭޓު އަބްދުﷲ ސޯދިގު (ސޯބެ) ކާމިޔާބު ކުރެއްވީ 62 ވޯޓުގެ ތަފާތަކުންނެވެ. ސޯބެ ވަނީ 1375 ވޯޓު ހޯއްދަވައިފަ އެވެ. ޕީއެންސީގެ ކެންޑިޑޭޓު އަހުމަދު ސައީދު (ސޮޑާ) އަށް ލިބިވަޑައިގަތީ 1313 ވޯޓެވެ.